Sameiginleg málstefna í Rangárþingi ytra og Ásahreppi

Fimmtudagur, 30. október 2025

Sveitarstjórn Rangárþings ytra og hreppsnefnd Ásahrepps hafa samþykkt nýja, sameiginlega málstefnu. Markmið stefnunnar er að festa í sessi íslensku sem vandað og skýrt opinbert mál í allri þjónustu og stjórnsýslu.

Stefnan leggur áherslu á að íslenska sé meginsamskiptamál í starfsemi sveitarfélaganna. Allt starfsfólk skal leggja sig fram um að nota vandað mál og íslensk heiti stofnana og örnefna skulu ávallt vera í forgrunni.

Lesa meira

Innsetningarmessa 2. nóvember klukkan 14:00

Miðvikudagur, 29. október 2025

Sunnudaginn 2. nóvember kl. 14:00 verður guðsþjónusta í Skarðskirkju.

Sr. Óskar Hafsteinn Óskarsson prófastur setur Sr. Gunnbjörgu Óladóttur í embætti héraðsprests með sérþjónustu við Fellsmúlaprestakall. Kórar sóknarkirknanna, Árbæjarkirkju, Hagakirkju, Kálfholtskirkju, Marteinstungukirkju og Skarðskirkju leiða söng undir stjórn organistanna Glódísar M. Guðmundsdóttur, Hannesar Birgis Hannessonar og Kristínar Sigfúsdóttur. Kaffiveitingar verða í Brúarlundi að athöfn lokinni.

Verið öll hjartanlega velkomin.

Lesa meira