Föstudaginn 1. apríl sl. var ný brunavarnaáætlun fyrir starfssvæði Brunavarna Rangárvallasýslu samþykkt og undirrituð af forstjóra Húsnæðis- og mannvirkjastofnunar.
Á síðustu mánuðum hefur HMS unnið markvisst að því að styðja slökkviliðin í landinu við gerð brunavarnaáætlana og er gaman að segja frá því að nú er tæpur helmingur slökkviliða í landinu með gilda áætlun eða 15 af 32 slökkviliðum landsins.
Skil á framboðum í Ásahreppi vegna sveitarstjórnarkosninga 14. maí 2022.
Kjörstjórn Ásahrepps vill vekja athygli íbúa Ásahrepps á lokafresti til að skila framboði vegna sveitarstjórnarkosninga sem fram fara þann 14. maí 2022.
Kjörstjórn Ásahrepps verður stödd í félagsheimilinu Ásgarði í Ási frá klukkan 11:00 til 12:00 föstudaginn 8. apríl til að taka á móti framboðum. Síðasti möguleiki til að skila inn framboði er því klukkan 12:00 þann 8. apríl 2022, sbr. 36. gr. kosningalaga.
Það verður kvöldguðsþjónusta í Kálfholtskirkju á sunnudagskvöldið 27. mars nk. kl. 20.00. Kórinn syngur við undirleik Eyrúnar organista og fermingarbörnin og fjölskyldur þeirra eru sérstaklega boðin velkomin. Aðalsafnaðarfundur verður síðan haldinn á eftir.
Hrunamannahreppur f.h. sex sveitarfélaga í samstarfi um seyruverkefni í Uppsveitum og nágrenni leita að jákvæðum og áhugasömum einstaklingi til starfa í afleysingum fyrir sveitarfélögin sem þjónustufulltrúi seyruverkefnis sveitarfélaganna.
Bergrisinn bs, Austurvegi 2, Selfossi, kt, 570915-0290, fyrir hönd óstofnaðs hses félags, óskar eftir tillögum í hönnun og byggingu sex íbúða íbúðakjarna fyrir fatlað fólk við Nauthaga 2 á Selfossi. Um er að ræða 6 íbúðir, starfsmannaaðstöðu og önnur stoðrými, samtals um 505 m2 brúttó.
Því miður hefur dregist að fá varahluti í sorpbifreiðina. Hefur því ekki hafist söfnun á pappír og lífrænum úrgangi þessa vikuna. Vonir standa til að hægt verði að fara af stað síðar í dag eða á morgun. Verður því seinkun á losun hjá flestum íbúum þessa vikuna og fram í næstu, en fyrir lok næstu viku verður búið að losa hjá öllum. Afsökum þau óþægindi sem þessi töf veldur.
Áhugahópur um stofnun Ferðafélags Rangæinga hefur ákveðið að blása til stofnfundar þriðjudaginn 1. mars 2022 kl 20:00 í Menningarhúsinu á Hellu (Safnaðarheimili). Ferðafélag Rangæinga verður áhugamannafélag með þann tilgang að hvetja fólk á öllum aldri til útivistar í okkar fagra héraði.
