Foreldrar 15 – 17 ára barna sem hafa rétt á sérstökum húsnæðisstuðningi eru minntir á að skila þarf inn nýrri umsókn í upphafi skólaárs. Umsóknir er hægt að nálgast á heimasíðunni felagsmal.is. Með umsóknum þarf að fylgja húsaleigusamningur og staðfesting á námi barns. Athuga ber að sérstakur húsnæðisstuðningur vegna 15-17 ára er samþykktur eina önn í senn og skila ber staðfestingu á áframhaldandi námi ungmennis við upphaf nýrrar annar.

11. fundur hreppsnefndar Ásahrepps verður haldinn miðvikudaginn 9. janúar n.k. klukkan 8:30 á skrifstofu Ásahrepps.  Hægt er að skoða dagskrá fundarins með því að smella á krækjuna hér fyrir neðan.

Dagskrá 11. fundar hreppsnefndar Ásahrepps

Í tilefni 60 ára afmælis Laugalandsskóla, sem var haldið þann 8. desember s.l. gáfu Foreldrafélag Laugalandsskóla, Kvenfélagið Framtíðin, Kvenfélagið Eining og Kvenfélagið Lóa allan búnað fyrir nýjan frisbýgolfvöll sem settur verður upp á Laugalandi.

Verður völlurinn settur upp með vorinu og mun hann þá nýtast nemendum og starfsfólki Laugalandsskóla, nemendum og starfsfólki leikskólans á Laugalandi, íbúum sveitarfélaganna í kring, sem og gestum og gangandi.

Aukafundur var haldinn hjá hreppsnefnd Ásahrepps í dag, þann 5. desember 2018. Fyrir fundinum lá að taka fjárhagsáætlun Ásahrepps 2019 - 2022 til lokaumræðu og afgreiðslu.  Fundargerð má finna á heimasíðunni undir fundargerðir hreppsnefndar.