Árleg jólatrjáasala Skógræktarfélags Rangæinga verður laugardaginn 17. desember n.k frá kl. 12-15  í Bolholtsskógi á Rangárvöllum.

Þá býðst fólki að koma í skóginn og höggva sitt eigið tré.  Eingöngu er um að ræða stafafuru.  Við verðum að auki með á plani tilhöggið greni og furu.  Óski fólk efir að koma og velja sér sjálft greni er hægt að hafa samband og finnum út úr því.  Sem fyrr er hægt að panta tré og er afhending eftir samkomulagi.

Boðið verður uppá hressingu í skóginum.   Með kaupum á íslenskum „jólatrjám“ stuðlum við að minni mengum og styrkjum gott málefni.

Fyrsta skóflustunga að íbúðakjarna fyrir fatlað fólk að Nautahaga 2 var tekin föstudaginn 18. nóvember. Í kjölfarið var samningur Mineral ehf og Arnardrangs hses undirritaður í Grænumörk.

Með ákvörðun stjórnar Bergrisans og samþykkis aðildarsveitarfélaga var ákveðið að ráðast í stofnun hses félags en það rekstrarfyrirkomulag miðar að sjálfbærni byggingar og reksturs húsnæðis fyrir fatlað fólk.

Minnt er á að síðasti dagur til að skila inn umsókn um íþrótta- og tómstundarstyrk hjá Ásahreppi fyrir árið 2022 er þann 15. desember n.k.

Reglur um íþrótta- og tómsundarstyrki má finna á heimasíðu Ásahrepps, en slóðin er:

https://asahreppur.is/sites/default/files/Reglur%20um%20t%C3%B3mstundast...

Stjórn Félags- og skólaþjónustu Rangárvalla- og Vestur-Skaftafellssýslu (FSRV) hefur ákveðið að ráða Svövu Davíðsdóttur starfandi félagsmálastjóra FSRV sem nýjan framkvæmdastjóra byggðasamlagsins. Tveir sóttu um starfið og var ákvörðun tekin að loknum viðtölum við umsækjendur.

Svava tekur við starfinu frá og með 1. nóvember 2022 og mun starfa eftir nýju stjórnskipulagi sem samþykkt hefur verið í aðildarsveitarfélögunum.

Svava er boðin velkomin til starfa sem framkvæmdastjóri og henni óskað velfarnaðar í störfum sínum.

F.h. stjórnar FSRV