Laust starf talmeinafræðings

Miðvikudagur, 4. janúar 2017

 

Starf talmeinafræðings við Skólaþjónustu Rangárvalla- og Vestur-Skaftafells-sýslu á Hvolsvelli er laust til umsóknar.

Helstu verkefni:

-        Greiningar á tal- og málvanda og mat á málþroska.

-        Mál- og talþjálfun.

-        Ráðgjöf við foreldra og starfsfólk skólanna.

Menntunar- og hæfniskröfur:

-        Fullgilt nám í talmeinafræðum frá viðurkenndum háskóla.

-        Sjálfstæði í vinnubrögðum.

-        Góð hæfni og lipurð í samskiptum við börn og fullorðna.

-        Jákvæðni, sveigjanleiki og frumkvæði í starfi.

Við Skólaþjónustuna starfar öflug liðsheild sérfræðinga sem vinnur í þverfaglegu samstarfi og samanstendur auk talmeinafræðings af kennsluráðgjafa, leikskóla-ráðgjafa, náms- og starfsráðgjafa og sálfræðingi.

Umsóknarfrestur er til 27. janúar nk., en ráðið verður í stöðuna frá 1. mars 2017. Umsóknir skulu berast rafrænt á netfangið skolamal@skolamal.is, eða í pósti á skrifstofu Skólaþjónustunnar að Ormsvelli 1, 860 Hvolsvelli. Umsóknum skal fylgja yfirlit yfir nám og fyrri störf og ábendingar um meðmælendur.

Laun og starfskjör eru samkvæmt kjarasamningi viðkomandi stéttarfélags og launanefndar sveitarfélaga.

Nánari upplýsingar veitir Edda G. Antonsdóttir forstöðumaður Skólaþjónustu Rang.- og Vestur-Skaft. í netfanginu edda@skolamal.is eða í síma 487-8107/ 862-7522.